P.E. Arteixo

O parque empresarial de Arteixo (A Coruña) ten máis de 1,5 millóns de m² dos que máis de 1 millón m² son de superficie útil, dividida en 164 parcelas. Na actualidade, hai 72 parcelas dispoñibles, que suman 212.113 m².

Esta actuación, coñecida tamén como o parque empresarial de Morás, foi promovida pola Xunta de Galicia a través de Xestur Galicia para impulsar o asentamento de empresas nunha área estratéxica pola súa proximidade co porto exterior da Coruña e o acceso directo ás vías de alta capacidade como son a autovía do Noroeste (A-6) e a autovía A Coruña-Carballo (AG-65), xunto coa súa capacidade para aglutinar o crecemento da área metropolitana da Coruña.

O parque empresarial, que está en funcionamento desde 2020, execútase en catro fases diferentes para dar resposta á demanda. Así, as fases A e B, que suman máis de 1.150.000 m², están comercializadas e só quedan libres 15 parcelas que suman 43.118 m². A fase C, de 227.554 m², rematou as obras de urbanización a finais de 2025 e iniciou a súa venda a comezos de 2026. A fase D, con 148.264 m², aínda non iniciou a súa tramitación.

Está situado a 10 km da Coruña e a 15 km do aeroporto da Coruña. O porto exterior de Punta Langosteira atópase a poucos quilómetros.